Baıqaý ótken jyldyń qarasha aıynda Elbasy bastamasymen, QR BjǴM qoldaýymen júzege asqan «G-Global» aýqymdy jobasyn ilgeri jyljytyp, nasıhattaý maqsatynda Astana qalasynda alǵash ret ótkizilgen edi. Atalmysh respýblıkalyq baıqaý qazaqstandyq jastar tarapynan úlken qyzyǵýshylyq pen shynaıy qoldaý taýyp, jastardyń shyǵarmashylyq, zııatkerlik áleýeti men jasampaz qýatyn biriktirýshi alańǵa aınalǵan bolatyn. Álemdik ekonomıkanyń, adamdyq kapıtaldyń jáne órkenıettiń turaqty damýynyń ózekti máseleleri jónindegi pikirtalastarǵa jastardyń belsene qatysýy jas urpaqtyń memlekettiń áleýmettik-ekonomıkalyq jáne ınnovasııalyq damýynda jaýapkershilik pen turaqty álem qurýda óz rólin sezinetindigin rastaǵandaı.
«G-Global» halyqaralyq hatshylyǵynyń jetekshisi Serik Nógerbekov belsendi azamattyq ustanym tanytqandyǵy úshin qatysýshylarǵa saltanatty túrde óz alǵysyn jetkize otyryp, jeńimpazdardy quttyqtap, «G-Global» halyqaralyq hatshylyǵynyń dıplomdarymen marapattady. Osy oraıda aıta ketsek, «Jastar G-Global-dy qoldaıdy» respýblıkalyq baıqaýynda E.Bóketov atyndaǵy QarMÝ men L. Gýmılev atyndaǵy EUÝ-nyń shtabtary ekinshi jáne úshinshi oryndy ıelendi. Uıymdastyrýshylar atalmysh baıqaýdy jyl saıyn ótkizý jospary týraly habarlaı kele, mundaı múmkindik jastardyń ózin-ózi jetildirýge, ózin-ózi tanytýǵa degen yntalaryn arttyra túsetinin aıtty.
Mıra BAIBEK, «Egemen Qazaqstan»